HY，超研最重要嘅大腦兼導師

應該不用多介紹，佢係HY，超研最重要嘅大腦兼導師。

又經歷一個唔完美嘅學年，都想有個小總結吧！

今年係第一年搬到太子栢宜校舍，地方大咗，有更大空間比我哋調整教學配套，將HY教學理念更用力咁發揮。

HY教學理念？即係咩？

行入超研大門，大大個燈箱寫住 「超研真心 Chur 但都真心勁」，呢句唔係咩宣傳口號，而係近年不約而同地，好多學生對HY嘅感言（其實全句係 ： 超研真心Chur，但真心勁，而且上得好開心，多謝HY令佢喜歡數學）；

咁，真係好Chur咩？點Chur法？

係推進，係你有幾願意數學呢科被推上去。
HY嘅擅長係好清楚學生係學數時面對緊咩問題，釐清concept同時已經比佢一步步試緊底線，再推難啲、再推高啲，Chur chur吓，到你發現「嘩，好似好難咁嘅？」，其實你已經處理緊究極級數嘅題目，贏緊同輩幾條街。

數學能力去到呢個程度，apply落DSE考試，考5或以上係好輕鬆嘅事，亦that’s why超研畢業生數學能力，入到U仍然完勝其他同學，

不過，HY教學能力再高也好，學生係過程中都要付出，我哋嘅功課，稱唔上多，但講緊持之以恆，每星期都有；我哋嘅Quiz，稱唔上harsh，因為炒咗再比機會重測；雙向付出，收割嘅果實更甜美。

HY經營緊好專一嘅數學專科學校，一心只想做好數學教育，一心只想教好每個想係數學科做得更好嘅學生，一心自覺教學上有能力，就係教學上完美發揮。

而數學科自身有咩要求，係個人選擇，可以認命自己係文科人唔想識唔想明，而既然入得超研，固然係想數學做得好；

回到超研初心，呢度從來唔揀學生，任何學生都有權想考好數學，只係你選擇加入超研，就要相信同接納我哋對數學教育嘅方向同要求，跟住HY嘅study path，一齊加油！