記得交齊功課先會收到下一條教學影片呀

嚟到停課的第五個星期，睇住確診數字節節上升，應該有排都唔可以面對面見到大家

大家都知我哋係追功課有份執著🤪有時見到學生comment我哋「超研會迫你做數，但迫下迫下慣咗，然後愈做愈好，最後多謝我哋有迫你」，我哋做admin姐姐嘅睇到都會開心，因為係同學嘅學習路上，我哋都有少少contribution，而唔係淨係調堂請假收學費😆

一知道要停課，我哋就同tutor們做好分工，tutor們努力拍片（佢哋要對空氣講書搞gag為咗令大家認真睇片都好攰呀，之後可以再分享），而我哋admin就要keep住追齊功課，tutor team同admin team都以「令學生keep到 ☀️一星期一條片一份功課 ☀️」為大目標。

網上課堂唔係大家諗到「㩒個制就派片」咁簡單㗎，由最先頭一兩個星期，大家未慣login、upload影到好似飲醉酒咁影嘅功課、唔記得睇片等等，淨係平時點名counter嘅彩色頭姐姐，初頭每個星期打去追功課嘅電話都打咗超過100個☃️

不過，今日我哋要高呼一句「姐姐們愛你」，去到今個星期，大家係咪比我哋煩到怕咗😂今個星期因為欠交而被停片嘅同學得返好少😂有d年級甚至一份欠交都無😆😆好振奮呀～你哋要繼續努力呀，迫下做下就慣㗎，超研學生係有團火㗎🔥🔥而家比少少力，到復咗課就會見到自己嘅付出係無白費㗎🤓🤓