Blog

2020-2021數學補習課程現已接受報名疫情期間，我們會增設網上授課詳情請致電51167443查詢 想了解更多，可以先睇睇以下文章 關於收生，我地有少少說話想講。。。 仔女係小六數學考得幾好，咁升中之後呢？ 點解要上ONLINE COURSE？疫情停課 唔好比數學科停滯不前呀 2020-2021暑期課程現已額滿並截止報名 暑期班時間表請按此 2020-2021 常規課程已於7月中接受報名已報讀暑期課程舊生可優先報讀常規課程 點解我哋選擇預錄課堂影片而唔係用zoom去教學呢? 我哋選擇預錄課堂影片，絕對係因為咁樣先對學好數學呢一科有最大幫助！ 第一個重點：限期之內你可以無限重溫課堂，慢慢做數，唔明睇到明！ 睇片時你可以隨時暫停、重播，假如預定做數時間唔夠，你可以延長； 相反如果你駕輕就熟，你可以快播，曾經有同學就話佢用兩倍速黎睇片～ 既然在家學習，大家黎上超研數學嘅堂都係想學好數學，咁點解要局限係指定時間用zoom去聽書？ 第二個重點：影片有限期！ 疫情停課，令好多同學都患咗拖延症，唔迫唔踢都唔做下數。 所以我地影片加咗觀看deadline，同學先可以係框框之下跟返進度！ […]

疫情停課 唔好比數學科停滯不前呀 要有最好學習狀態迎接復課 肺炎疫情已經持續大半年，斷斷續續停課復課，令好多同學由年初未習慣線上學習，到而家幾乎人人都已經適應網上課程。 當然仍有少部份同學會話未適應未習慣，好難集中之類，希望等到疫情過去然後面對面上live，但結果係呢半年係數學學習上停滯不前。只能勸大家：不進則退呀！數學科跟甩咗進度，之後要追返，比起你盡快適應網上學習真係難太多太多。 特別係高form同學，DSE仍舊係前面等緊你，學習時間只會愈黎愈少，當同年級其他同學都進行緊網上學習，就假設網上學習成效真係比面對面上live低dd，就當得返8成功力，但比起你用一句「好難集中」就停止學習，其他已經習慣上online course嘅同學都已經比你行前咗好多喇。 作為專科數學補習社 我地做咗d咩去令你網上上堂更集中呢？ 網上學習比起live班面對面上堂係有唔同，我地當然理解。因此我地都落咗唔少心機，去令大家嘅網上課程online course上得開心d、集中d，保持返一貫超研style嘅愉快學習心情。高form同學應該留意到我地係課堂影片上加插唔少effect令你無機會訓著；低form同學係收到筆記亦都應該會有驚喜，希望你地有心機一本一本咁儲齊佢地啦。 愉快學習之餘，超研原有規矩大家依然要遵守，咁先做到確保你唔會甩咗應有進度。所以，每條片都有觀看限期，限期前你可以無限重溫，唔明睇到明為止。但限期過後影片就會下架，原因係唔想大家積累太多片一次過睇，吸收唔切減低學習成效，當然功課都要依時遞交，我地亦會定時致電了解同學學習情況同埋有無遇到困難。無論上live定上online，要大家繼續用岩方法去學好數學，輕鬆唔等如懶散，仍然係我地最重要嘅堅持。 數學網上課程時間表

超研數學補習常規課程時間表請按此 首先多謝你CLICK入黎，有機會了解一下我地超研收生係咩準則，了解我地堅持既教學理念。 係我地超研既班上面，大家見到絕大部分都係黎自大家所講既名校生，但亦有少部分黎自地區入面唔太起眼既中學。無論黎自邊度，佢地有住既共通點就係：大家有同一份鬥志、努力堅守自己責任、亦擁有相同信念。 如果你認同學習係可以急功近利，咁你可以跳走喇 因為我地只相信，用啱方法去學習，作為學生都必須要付出努力，先可以真正學好數學。 所以講緊無論黎自咩中學既學生都好，同一份鬥志係：大家都真心想學好數學呢一科，而唔係單單想考好校內試、或者被迫上堂咁膚淺 堅守既責任係：係堂上有應有既學習態度、放學後亦會溫該溫既野、做該做既功課 相同信念係：你地相信我地超研所有數學老師，教緊既都係你應該要識既野、要你做既亦係你應該要做既野。 其實係超研呢度上堂，黎自邊間學校，一d都唔重要 因為超研數學從來都唔篩選學校，亦唔篩選學生，但我地會剔走學習態度差既人。 我地會係你選擇報名前，講清楚我地既教學模式、講清楚對你既要求，清清楚楚講明落堂要溫習、有功課要做。 我地致力亦努力經營一個良好學習氣氛，做到輕鬆既課堂環境，唔想你係太大壓力下學數，但要你明白，每一個學生，都有住應有既責任，輕鬆愉快學習，絕對不等如懶散 正正係呢個氣氛環境下，自自然會淘汰走一d以為可以坐享其成唔需要付出既懶人。 所以，請你打算報名之前，諗清楚，自己有無呢三樣野呢？有無鬥志？有無責任心？有無信念？ 諗清楚，先好報名。 我地唔係大型補習社，學位相當有限，我地唔能夠無限收生。因此，每一個學位都好珍貴，因為我地每一個老師對數學教育都好有熱誠，每位老師都認真投放好多心機同資源比每一個學生。 係我地呢度上堂，好多時講緊唔係一個短時間既師生關係，當中唔少同學係由F.1一路補上F.6，大家見面時間，比日校數學老師更多。 所以我地期望，由你加入我地既第一堂開始，就要好好train up令你連結到數學呢一科。 請容許我地係教學上有我地既堅持，如果你一心想左試右試，未有決心想係呢一科付出，希望你停一停、諗一諗，將呢個學位留比真正想學好數學既同學 […]

假如你想為同學報讀我地超研既任何數學課程，無論係常規班定係暑期班，都請你首先了解咩係「超研Style」既課程結構同教學風格。 暑期課程結構 我地既課程結構係咁既：F.1-F.5既數學班，係由暑期開始一直延伸至下學年6月，全學年大概有50堂左右，我地就係呢50堂，教完每個年級要學既所有Topic。 所以，暑期班正正就係每個學年既開始，唔會重溫，直接教新野，一旦MISS左暑期班，到9月先報名，就等如MISS左部分課程架喇。 暑期班教學方向 至於暑期班教學內容，我地既教學團隊，因應住每個年級既課題特性，制定左唔同既教學方向，總之目標就係想同學開學後可以相對輕鬆咁面對新學年既學習。 比D例子你，例如中二、中四，我地揀選當學年最最重要既一個TOPIC預先教授，咁學生係開學後處理相關課題時候，就已經有好穩固既基礎；又例如中三選科年，開學後既課題係極之多，因此我地會係暑期揀選幾個重要課題幫學生建立框架，減輕開學後追進度的壓力。 所有課程設定完全係黎自咁多年既教學經驗，並唔係因為邊本出版社既書或者邊間學校第一課會教咩，希望呢段文字令你了解我地既教學風格，亦唔好再問我地點解教A呢課而唔係教B呢課喇！ 嚟緊7月既暑假，如果你願意係當中抽十幾個鐘做好預習，係新學年數學科可能已經輕鬆好多呀！我地已經為中一至中六同學SET好最準確既學習方向，趁暑假用7堂時間，為新學年打好數學基礎～ 可以click入呢度睇返課程時間表 MATHEMATICS SUMMER COURSE 任何課程查詢亦都可以致電 51167443聯絡我地

超研數學補習常規課程時間表請按此 整合過去五年香港文憑試(HKDSE)數學科Core成績及分數參考